Cyhuddo tri yn dilyn ymchwiliad i achos o dwyll gwerth miliynau o bunnoedd

Yn dilyn ymchwiliad gan Heddlu De Cymru, gyda thystiolaeth allweddol a roddwyd gan Gomisiwn Elusennau Cymru a Lloegr, mae tri unigolyn wedi cael eu cyhuddo mewn cysylltiad ag ymchwiliad i achos o ladrata a thwyll gwerth miliynau o bunnoedd i gyn Goleg Chweched Dosbarth annibynnol Caerdydd a ddigwyddodd rhwng 2012 a 2016.

Cafodd Yasmin Anjum Sarwar, 43 oed o Gyncoed, Caerdydd a Nadeem Sarwar, 48 oed o Bentwyn, Caerdydd, eu cyhuddo o nifer o droseddau lladrata a thwyll gwerth cyfanswm o ryw £5 miliwn.

Cafodd Ragu Sivapalan, 39 oed o Benylan, Caerdydd, ei gyhuddo o gyfrifyddu anwir rhwng 2013 a 2016.

Bydd y tri yn ymddangos gerbron Llys Ynadon Caerdydd ddydd Mawrth 8 Ebrill.