Dedfrydu dyn o'r Rhondda am droseddau rhyw yn erbyn blant

Mae dyn 31 oed wedi cael ei ddedfrydu yn Llys y Goron Merthyr Tudful heddiw (Dydd Iau 27 Mawrth) ar ôl cael ei ganfod yn euog o geisio cyfathrebu'n rhywiol â phlentyn a cheisio trefnu neu hwyluso trosedd rhyw plant - trais / ymosod drwy dreiddio ar blentyn o dan 13 oed.

Mae Liam Lewis o Ferndale, Rhondda Cynon Taf wedi cael ei ddedfrydu i dair blynedd a naw mis yn y carchar. Bydd hefyd yn destun Gorchymyn Atal Niwed Rhywiol 10 mlynedd a bydd yn rhaid iddo gofrestru fel troseddwr rhyw am gyfnod amhenodol.

Yn dilyn y ddedfryd, dywedodd y swyddog a fu'n ymwneud â'r achos, y Ditectif Gwnstabl Isaac Gott o Tarian, Uned Troseddau Cyfundrefnol Rhanbarthol De Cymru:

“Mae Liam Lewis yn rheibiwr rhywiol a wnaeth fanteisio ar fregusrwydd rhywun a oedd yn blentyn yn ei dyb ef am ei ddiddordebau gwyredig ei hun.

“Cafodd ei nodi gan Tarian gan ei fod wed trefnu i gwrdd â phlentyn a oedd o dan 13 oed yn ei dyb ef er mwyn ei gam-drin yn rhywiol a'i dreisio. Roedd wedi cynnig cyflenwi crac cocên i'r plentyn a'i ddenu i gymryd rhan mewn gweithredoedd rhywiol treiddiol. Cadarnhawyd hefyd iddo anfon fideos rhywiol at y plentyn wrth gyfathrebu ag ef.

“Ar 21 Hydref y llynedd, gwnaeth ditectifs o Tarian weithredu gwarant chwilio mewn cyfeiriad yn y Porth, Rhondda, lle cafodd Lewis ei weld a'i arestio. Cafodd ei gyhuddo yn ystod ei amser yn y ddalfa a chafodd ei gadw yn y ddalfa.

“Yn dilyn ei bledion euog, mae Lewis bellach wedi cael ei ddedfrydu i dair blynedd a naw mis yn y carchar.”.

“Os oes gan eich plentyn bresenoldeb ar-lein, gwnewch yn siŵr bod y gosodiadau diogelwch priodol ar waith, a byddwch yn ymwybodol o'r apiau maent yn eu defnyddio, a byddwch yn wyliadwrus gan y byddant, o bosibl, yn siarad â phobl ddieithr.

“Mae mynd i’r afael ag achosion o gamfanteisio’n rhywiol ar blant ar-lein yn flaenoriaeth genedlaethol i wasanaethau gorfodi’r gyfraith y DU. Bydd Tarian yn parhau i weithio gydag asiantaethau partner ledled y DU ac yn rhyngwladol er mwyn diogelu plant a dwyn troseddwyr o flaen eu gwell. Byddwn yn parhau i fynd ar ôl troseddwyr niwed uchel a sicrhau eu bod yn mynd i'r Llys.”

Dylai unrhyw un sy'n poeni am weithgarwch eu plentyn ar-lein gysylltu â'r heddlu ar 101 a rhoi gwybod am unrhyw ymddygiad neu weithgarwch amheus.