Mae pum person wedi'u cyhuddo mewn cysylltiad â llofruddiaeth Joanne Penney yn Nhanysguboriau.
Cynnwys y prif erthygl
Mae pum person wedi'u cyhuddo mewn cysylltiad â llofruddiaeth Joanne Penney yn Nhanysguboriau.
Bu farw'r fenyw 40 oed ddydd Sul, 9 Mawrth, ar ôl cael ei saethu yn Llys Illtyd.
Y pump sydd wedi'u cyhuddo, sef dwy fenyw a thri dyn, yw:
Marcus Huntley, 20 oed o Laneirwg, Caerdydd, wedi'i gyhuddo o lofruddiaeth.
Melissa Quailey-Dashper, 39 oed o Gaerlŷr, wedi'i chyhuddo o lofruddiaeth.
Kistina Ginova, 21 oed o Oadby, Swydd Caerlŷr, wedi'i chyhuddo o gynorthwyo troseddwr.
Joshua Gordon, 27 oed o Oadby, Swydd Caerlŷr, wedi'i gyhuddo o lofruddiaeth.
Tony Porter, 68 oed o Braunstone Town, Swydd Gaerlŷr, wedi'i gyhuddo o lofruddiaeth a chymryd rhan mewn gweithgareddau troseddol grŵp troseddau cyfundrefnol.
Byddant yn ymddangos gerbron Llys Ynadon Caerdydd heddiw (Dydd Sadwrn 15 Mawrth).
Mae ditectifs sy'n ymchwilio i'r achos angheuol o saethu hefyd wedi arestio person arall – cafodd dyn 32 oed ei arestio nos Wener (14 Mawrth) yn ardal Suffolk.
Dywedodd y Ditectif Brif Uwch-arolygydd Ceri Hughes: “Mae ein tîm o dditectifs a staff arbenigol yn parhau i greu darlun o'r amgylchiadau a arweiniodd at farwolaeth drasig Joanne ac rwy'n parhau i annog unrhyw un sydd â gwybodaeth, naill ai am ei marwolaeth neu'r hyn a ddigwyddodd yn yr eiddo yn Llys Illtyd nos Sul, i gysylltu â'r heddlu – gallai'r darn lleiaf o wybodaeth fod yn hollbwysig.
“Hoffwn ddiolch i'r gymuned leol am ei chefnogaeth i'r ymchwiliad hyd yma ac i bawb sydd wedi siarad â ni ac wedi rhoi gwybodaeth."
Gall unrhyw un sydd â gwybodaeth neu ddeunydd fideo, fel fideo teledu cylch cyfyng neu gamera dashfwrdd, gyflwyno'r rhain ar-lein: https://mipp.police.uk/operation/62SWP25C03-PO1
Fel arall, gallwch gysylltu â ni drwy un o'r ffyrdd canlynol, gan ddyfynnu rhif digwyddiad 2500075709.
Sgwrs Fyw https://www.south-wales.police.uk/cy-GB/
101
*Ffoniwch 999 bob amser mewn argyfwng.*
Gellir hefyd roi gwybodaeth yn ddienw drwy ffonio Crimestoppers ar 0800 555 111, neu drwy'r ffurflen ar-lein yn https://crimestoppers-uk.org/give-information