Dyn wedi'i garcharu am wrthdrawiad ar Heol Sloper.
Cynnwys y prif erthygl
Mae dyn wedi cael ei garcharu am wrthdrawiad traffig ffyrdd a ddigwyddodd ar Heol Sloper, Caerdydd.
Digwyddodd y gwrthdrawiad tua 5.50pm ddydd Sul, 24 Mawrth 2024, yn ystod gwyliau'r Pasg.
Roedd teledu cylch cyfyng yn dangos car BMW llwyd yn cael ei oryrru yn mynd ar balmant, yn taro merch fach ac yn ffoi.
Cafodd Kurtis Dwyer, 35 oed o Grangetown ei arestio fis ar ôl y gwrthdrawiad ac adferwyd y car ar gyfer archwiliad fforensig.
Plediodd yn euog i yrru'n beryglus, a ddydd Llun 3 Mawrth, ymddangosodd gerbron Llys y Goron Caerdydd lle cafodd ei garcharu am 14 mis.
Dywedodd y swyddog a fu'n ymwneud â'r achos, y Ditectif Gwnstabl Tamsin Hill: “Yn rhyfeddol, dim ond mân anafiadau a gafodd y ferch fach, ond yn ddealladwy roedd y digwyddiad yn un brawychus iawn iddi hi a'i theulu.
“Er ein bod yn croesawu'r canlyniad yn y llys, rydym yn cydnabod bod y ferch fach a'i theulu yn parhau i ddioddef effaith emosiynol ddifrifol o ganlyniad i weithredoedd byrbwyll a pheryglus Dwyer.