Apêl am wybodaeth am Mark Kinson, sydd wedi bod ar goll ers deufis.

Apêl am wybodaeth am Mark Kinson, sydd wedi bod ar goll ers deufis.

Cafodd Mark, 52 oed, ei weld ddiwethaf ddydd Gwener 31 Ionawr am 9.45pm ar Uphill Road, Llanrhymni.

Cafodd wedyn ei weld am tua 10pm yn Captains Walk yn cerdded i gyfeiriad cyffredinol Braunton Crescent.

Mae ymholiadau helaeth wedi'u cynnal, ac yn parhau i fynd rhagddynt, er mwyn dod o hyd i Mark, ond nid oes neb wedi ei weld yn bendant ers y diwrnod hwnnw.

Fel rhan o'r ymchwiliad parhaus, mae swyddogion yn archwilio deunydd fideo CCTV ac yn chwilio tir agored, ardaloedd coediog, a glannau afon.

Gwelwyd y fan gwyn hwn yn Fishpond Road toc cyn hanner nos ar y noson y gwelwyd Mark ddiwethaf.

Ymunodd y fan Ford maint Transit â Fishpond Road am 11.45pm a gadawodd y ffordd honno 10 munud yn ddiweddarach.

Rydym yn annog y gyrrwr neu unrhyw un a oedd yn teithio yn y cerbyd hwnnw i gysylltu, gan ei bod yn bosibl fod ganddynt wybodaeth bwysig.

Dywedir bod Mark oddeutu 5 troedfedd 7 modfedd o daldra ac roedd yn gwisgo tracwisg lwyd/glas tywyll ar y diwrnod yr aeth ar goll.

Dywedodd Angela, partner Mark:

"Mae'n gwbl groes i gymeriad Mark, ac rydym ei eisiau gartref yn ddiogel. Rydym yn ymbil yn daer am wybodaeth ac yn apelio ar unrhyw un sy'n gwybod unrhyw beth i gysylltu â'r heddlu.
"Rwy'n credu bod Mark yn fregus ac rwyf am iddo wybod bod cymaint o gariad a chefnogaeth iddo."

Gofynnir i unrhyw un a allai fod wedi gweld Mark, neu sydd â gwybodaeth a fydd yn ein helpu i ddod o hyd iddo, gysylltu â ni gan ddyfynnu rhif digwyddiad 2500033949.

• Sgwrs Fyw https://www.south-wales.police.uk/cy-GB/
• Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd
• 101

Ffoniwch 999 bob amser mewn argyfwng.