Menyw o Bort Talbot wedi'i charcharu am gyfaddef ei bod wedi cynnau tân bwriadol
Cynnwys y prif erthygl
Mae menyw o Gastell-nedd Port Talbot wedi cael ei charcharu am gyfaddef ei bod wedi cynnau tân bwriadol.
Gwnaeth Laura Evans, 36 oed, o Bort Talbot, losgi tywel yn bwrpasol mewn cyfeiriad ar Stryd Velindre. Achosodd hyn i wely cyfagos i fynd ar dân hefyd, ac o ganlyniad aeth yr holl ystafell wely ar dân. Nid oedd unrhyw bobl eraill yn y cyfeiriad ar y pryd.
Cafodd ei dedfrydu yr wythnos hon i bedair blynedd yn y carchar.
Dywedodd y Ditectif Ringyll Jonathan Holding:
“Pe na fyddai'r gwasanaeth tân wedi ymyrryd, gallai gweithredoedd anghyfrifol a byrbwyll Laura Evans fod wedi arwain at ddifrod sylweddol i'r cyfeiriad yn ogystal â sawl eiddo cyfagos eraill.
“Mae'n amlwg bod Laura yn peri risg i ddiogelwch eraill o'i hamgylch, felly roedd yn hollol briodol iddi gael ei hanfon i'r carchar am sawl blwyddyn.”