Dyn o Aberdulais wedi ei garcharu ar ôl ymosod ar ddwy fenyw

Mae dyn o Gastell-nedd Port Talbot wedi cael ei garcharu ar ôl iddo ymosod yn dreisgar ar ddau ddioddefwr benywaidd.

Ymosododd Scott Miller, dyn 29 oed o Aberdulais, ar y ddau ddioddefwr ar sawl achlysur ar wahân. Tynnodd y dioddefwr cyntaf i'r llawr gerfydd ei gwallt cyn ei dyrnu'n ddidrugaredd yn ei gwyneb, gan achosi iddi daro ei phen ar ffrâm drws. Gadawodd ei ddioddefwr ag anafiadau niferus.

Tra roedd ar fechnïaeth am y troseddau uchod, ymosododd Miller ar ei ail ddioddefwr ar fwy nag un achlysur, gan gynnwys rhoi ei ddwylo o amgylch gwddw ei ddioddefwr, gan achosi iddi ddioddef pwl o banig. Gwnaeth hefyd fygythiadau i ladd y dioddefwr yma.

Plediodd Miller yn euog i fygu'n fwriadol a thri achos o ymosod drwy daro ac mae wedi cael ei ddedfrydu i 18 mis yn y carchar.

Dywedodd y Rhingyll Rachel Draisey:

"Fel heddlu, nid ydym yn goddef hyd yn oed un achos o drais yn erbyn menywod a merched. Roedd Scott Miller yn gyfrifol am enghreifftiau lluosog o'r ymddygiad annerbyniol hwn.

“Mae gan bawb yr hawl i deimlo'n ddiogel, ble bynnag y maent, ac ni ddylai neb ddioddef trais, aflonyddu na bygwth.

"Ni ddylai dioddefwyr Scott Miller fod wedi gorfod dioddef y profiadau trawmatig hyn.

“Gall y rhai sy'n dioddef cam-drin fod yn sicr y byddwn yn gwneud popeth o fewn ein gallu i'w cefnogi a'u hamddiffyn rhag niwed.”