Cyn-esgob wedi'i garcharu am droseddau rhyw yn erbyn plant

 

Mae Cyn-esgob o Abertawe wedi cael ei garcharu ar ôl pledio'n euog i nifer o droseddau rhyw yn erbyn plant.

Plediodd Anthony Pierce, 84 oed, o Fro Abertawe, yn euog i bum achos o ymosod yn anweddus ar blentyn dan 16 oed yn Llys y Goron Abertawe ddydd Gwener 7 Chwefror 2025.

Heddiw, mae wedi cael ei ddedfrydu i bedair blynedd a mis yn y carchar. Pan gaiff ei ryddhau, bydd yn destun Gorchymyn Atal Niwed Rhywiol. Bydd ei enw ar y gofrestr troseddwyr rhyw am oes.

Dywedodd y Ditectif Arolygydd Sharon Gill-Lewis:

“Rwy'n canmol dewrder y dioddefwr wrth roi gwybod am weithredoedd Anthony Pierce, a oedd yn allweddol i'n helpu i'w ddwyn i gyfrif.

"Hoffwn hefyd dalu teyrnged i'r Ditectif Gwnstabl Sioned Davies, y bu ei gwaith yn ystod yr ymchwiliad hwn yn hollbwysig i ddatgelu troseddau Anthony Pierce.

"Mae Heddlu De Cymru yn cymryd pob adroddiad am ymosodiad rhywiol o ddifrif, ac rydym yn annog dioddefwyr i gysylltu â ni – ni waeth pryd y digwyddodd yr ymosodiad – gan wybod yn hyderus y byddant yn cael eu trin â pharch ac urddas ac yr ymchwilir i'w honiad."

Am wybodaeth a chanllaw ategol ar roi gwybod am droseddau rhywiol, gweler yma: Rhoi gwybod am drais rhywiol, ymosodiad rhywiol a throseddau rhywiol eraill | Heddlu De Cymru

I gael help a chymorth mewn perthynas â thrais rhywiol, ymosodiad rhywiol a throseddau eraill, gweler yma: Trais rhywiol, ymosodiad rhywiol a throseddau rhywiol eraill | Heddlu De Cymru