Carcharu dyn o Abertawe yn dilyn lladrad arfog yn y Mwmbwls

Mae dyn wedi cael ei garcharu yn dilyn lladrad arfog mewn gorsaf betrol yn Abertawe.

Cafodd Samuel Harris, 34 oed o West Cross, ei gyhuddo o ladrata, bod ag eitem lafnog yn ei feddiant, ac ymosod ar weithiwr gwasanaeth brys yn dilyn y digwyddiad ym mis Chwefror.

Cafodd ei ddedfrydu'r wythnos hon i bedair blynedd a hanner yn y carchar.

Dywedodd y Ditectif Ringyll Angie Mitchell:

“Byddai hyn wedi bod yn brofiad trawmatig i'r staff, gan eu bod wedi cael eu bygwth â chyllell yn eu gweithle.

"Cyn gynted ag y cawsom wybod am y digwyddiad hwn, gweithredodd ein swyddogion yn gyflym i ddod o hyd i Samuel Harris, ei arestio, a mynd ag ef i'r ddalfa.

“Hoffwn ddiolch i'r staff yng Ngorsaf Betrol y Mwmbwls am eu cymorth gyda'n hymchwiliad. Mae'n dda gweld y bydd Samuel Harris yn treulio nifer o flynyddoedd yn y carchar o ganlyniad i'w weithredoedd.”