Carcharu dyn o Aberafan am achosi niwed corfforol gwirioneddol ac ymddygiad rheolaethol
Cynnwys y prif erthygl
Mae dyn o Gastell-nedd Port Talbot wedi cael ei garcharu am achosi niwed corfforol gwirioneddol ac ymddygiad rheolaethol a gorfodaethol.
Ymosododd Thomas Edwards, 24 oed o Aberafan, ar ei ddioddefwr ym mis Awst 2024. Yn ystod yr un mis, gorfododd ei ddioddefwr i anfon fideos ato i ddangos pwy oedd gyda hi yn y gwaith. Hefyd anfonodd neges lais fygythiol at ei rheolwr, yn ogystal â mynd i'w gweithle i'w gwylio wrth iddi gyflawni shifft.
Roedd enghreifftiau pellach o ymddygiad rheolaethol Edwards yn cynnwys ei hatal rhag gweld ffrindiau a mewngofnodi i'w chyfrifon cyfryngau cymdeithasol er mwyn monitro ei gweithgaredd.
Ar ôl pledio'n ddieuog i ddechrau, newidiodd Edwards ei ble i euog ym mis Ionawr.
Yr wythnos hon, cafodd ei ddedfrydu i 16 mis yn y carchar.
Dywedodd y Rhingyll Emma Beasley:
“Roedd ymddygiad rheolaethol Thomas Edwards yn annerbyniol, a bu ei ddioddefwr yn byw bywyd llawn gofid ac yn ofni ei weithredoedd drwy'r amser.
“Ni ddylai neb orfod mynd drwy'r hyn a wnaeth Thomas Edwards i'w ddioddefwr.
“Os ydych yn teimlo eich bod yn wynebu ymddygiad rheolaethol a gorfodaethol, rhowch wybod. Bydd ein swyddogion yn gallu eich cefnogi, a lle y bo'n berthnasol, dwyn troseddwyr o'r fath i gyfrif.”