Gwasanaeth Diwrnod VE ym Mhencadlys yr Heddlu
Cynnwys y prif erthygl
Dydd Iau 8 Mai nodwyd 80 o flynyddoedd ers Diwrnod VE a diwedd yr Ail Ryfel Byd yn Ewrop. I nodi'r achlysur, cafwyd gwasanaeth byr o fyfyrdod dan arweiniad y Prif Gwnstabl ym Mhencadlys yr heddlu ym Mhen-y-bont ar Ogwr.
Roedd y gwasanaeth yn cynnwys darlleniad gan y Prif Gwnstabl Jeremy Vaughan a chafwyd dwy funud o dawelwch i anrhydeddu'r rhai a wasanaethodd ac a aberthodd eu bywydau yn ystod y rhyfel.
Rhagor o wybodaeth a gweithgarwch
Addurnwyd cyfleusterau'r pencadlys i gofio'r partïon stryd a gynhaliwyd yn 1945 a gyda'r nos, cafodd Pencadlys yr heddlu ei oleuo'n goch, gwyn a glas fel teyrnged i'r rhai a frwydrodd ac a fu farw dros ein gwlad.
Drwy gydol yr wythnos hon, mae Canolfan Treftadaeth yr heddlu wedi bod yn cynnig ymweliadau ar thema'r rhyfel ac wedi cyhoeddi Rhestr Anrhydeddau'r Ail Ryfel Byd ar-lein yn cynnwys enwau swyddogion o heddlu de Cymru a fu farw o ganlyniad i'r gwrthdaro.
Fel sefydliad, rydym yn parhau i fod yn ymrwymedig i gofio gwasanaeth ac aberth y rhai a fu farw yn ystod yr Ail Ryfel Byd. Ni chânt fyth eu hanghofio.