Dyn o Benarth wedi'i garcharu am droseddau rhyw yn erbyn plant
Cynnwys y prif erthygl
Mae Perry McCarthy, o Benarth wedi cael ei ddedfrydu i 21 o flynyddoedd yn y carchar am gyflawni 18 o droseddau rhyw yn erbyn plant dros gyfnod o bedair blynedd.
Dedfrydwyd y dyn 65 oed yn Llys y Goron Caerdydd ddydd Gwener, 2 Mai.
Dywedodd y Ditectif Gwnstabl Joanna Cecerko, o Heddlu De Cymru:
"Hoffwn ganmol y dioddefwr am ei dewrder yn dod atom - diolch i'w hadroddiad a'r gefnogaeth gan ei theulu, rydym wedi cael cyfiawnder.
“Mae wedi bod yn gyfnod trawmatig i bawb dan sylw ac rwy'n gobeithio y bydd y canlyniad yn y llys yn dod â rhywfaint o gysur i'r dioddefwr a'i theulu, y maent yn ei haeddu.”
Gwadodd McCarthy y troseddau ond fe'i cafwyd yn euog o 18 o droseddau gan gynnwys:
- 6 achos o achosi plentyn i ymgymryd â gweithgarwch rhywiol
- 4 achos o voyeuriaeth
- 3 achos o drais geneuol o blentyn
- 1 achos o gymryd rhan mewn gweithgarwch rhywiol â phlentyn
- 1 achos o dreiddio byseddol
- 1 achos o ymosodiad rhywiol drwy gyffwrdd
Dywedwyd wrth McCarthy yn y llys y bydd rhaid iddo fod yn y carchar am o leiaf 14 o flynyddoedd cyn cael ei ystyried i gael parôl.
Nid ydym byth yn tanamcangyfrif pa mor anodd yw hi i oroeswyr cam-drin rhywiol siarad allan ac adrodd.
Ond rydym yn gobeithio y bydd achosion fel hwn yn rhoi sicrwydd y bydd dioddefwyr yn cael eu gwrando, eu trin ag urddas a pharch, a'u cefnogi drwy gydol y broses gyfreithiol.
Os ydych chi wedi cael eich cam-drin yn rhywiol, ac nad ydych chi eto'n barod i adrodd i'r heddlu, peidiwch â dioddef yn dawel. Gellir dod o hyd i gyfoeth o wybodaeth a manylion am wasanaethau cymorth yma.