Lleidr o Gaerdydd wedi ei garcharu am 30 mis

Mae dyn wedi cael ei garcharu am ddwy flynedd a hanner ar ôl iddo dresmasu i dŷ a dwyn oddi wrth y preswylydd.

Cafodd Gareth Neale, sy'n 47 oed o Cathays ei ddedfrydu i 30 mis yn y carchar ar 29 Mai yn Llys y Goron Caerdydd ar ôl pledio'n euog i fwrgleriaeth mewn annedd a lladrata.

Roedd hyn yn dilyn digwyddiad ar 17 Ionawr, 2025 am 3.50am, pan ffoniodd y dioddefwr 999 o'i hystafell gwely i roi gwybod ei bod yn gallu clywed rhywun lawr grisiau yn ei thŷ.

Aeth swyddogion i'r cyfeiriad yn Llandaf o fewn munudau ac aethant i mewn drwy'r drws cefn. Gwelsom fod y goleuadau ymlaen y tu mewn a gwnaethant ddod o hyd i fag cefn du ar y llawr y tu allan i ffenest agored.

Gwnaeth y swyddogion chwilio'r tŷ a daethpwyd o hyd i Neale yn gyflym yn y cyntedd blaen. Dywedodd Neale iddo weld y ffenest agored a chymryd y cyfle i fynd i mewn. Pan gafodd ei chwilio, daethpwyd o hyd  i nifer o eitemau ym mhocedi Neale gan gynnwys pwrs a oedd yn cynnwys cardiau banc a papur £20, bocs clustffonau, bocs gemwaith bach gwag a chit tweezer dyn. Cafodd ei arestio a'i gyhuddo'n fuan wedyn.

Dywedodd y swyddog ymchwilio, y Ditectif Gwnstabl Jamie Ellis: "Roedd hwn yn ddigwyddiad a barodd ofid mawr i'r dioddefwr a wnaeth ei gadael yn ofni am ei diogelwch yn ei chartref ei hun. Gobeithio y bydd y ddedfryd hon yn helpu i roi rhywfaint o gysur iddi."