Gwerthwr cyffuriau o'r Bari yn cael ei garcharu am dros dair blynedd

Tommy-Lee Carson

Mae ymchwiliad Heddlu De Cymru (HDC) wedi golygu bod dyn wedi'i garcharu am dros dair blynedd am fod â chyffuriau yn ei feddiant er mwyn eu cyflenwi.

Cafodd Tommy-Lee Carson, sy'n 28 oed, o Heol Holton, y Barri ei ddedfrydu i 45 mis yn y carchar ar 16 Mai ar ôl pledio'n euog yn Llys y Goron Caerdydd o ymwneud â chyflenwi cocên. Cafodd hefyd ei ddedfrydu i'r carchar am droseddau eraill yr un pryd: chwe mis am fod ag arf ymosodol yn ei feddiant mewn lle preifat (sef cyllell zombie); 12 mis am ymwneud â chyflenwi cyffur a reolir Dosbarth B (canabis); a 12 mis am fod â chyffur rheoledig Dosbarth B – (resin canabis) – yn ei feddiant gyda'r bwriad o'i gyflenwi.

Cafodd Carson ei adnabod gan Dîm Troseddau Cyfundrefnol Caerdydd ar ôl iddynt ymchwilio i linell cyffuriau Dosbarth A a B a oedd yn gysylltiedig â'i rif. Cafodd negeseuon testun eu hadnabod o rif ffôn symudol a oedd yn gysylltiedig â Carson a oedd yn hysbysu cyffuriau ar werth. Cynhaliwyd gwarant o gyfeiriad cartref Carson ar 12 Chwefror 2025, ac atafaelwyd cyffuriau â gwerth stryd o rhwng £3,640 a £7,280 ynghyd â'r arf.

Dywedodd y swyddog ymchwilio, y Ditectif Gwnstabl Gaby Pughsley: "Bydd delio cyffuriau Carson heb os wedi cael effaith ar y gymuned leol ac rwy'n falch ei fod yn cael dedfryd sylweddol.

“Mae gennym ddull gweithredu dim goddefgarwch mewn perthynas â delio mewn cyffuriau ar y stryd ac mae ein tîm troseddau cyfundrefnol yn ymrwymedig i adnabod ac arestio'r rhai sy'n gysylltiedig."