Dyn o Gaerdydd wedi'i garcharu ar ôl cael ei ganfod â chyffuriau yn ei feddiant yn Abertawe

Mae dyn o Gaerdydd wedi cael ei garcharu ar ôl iddo gael ei ganfod â chyffuriau Dosbarth A yn ei feddiant yn Abertawe.

Cafodd Ashton Banfield, 19 oed o Butetown, ei stopio gan swyddogion mewn dillad plaen ar Stryd Fawr Abertawe ar 27 Mawrth. Pan gafodd ei stopio, daethpwyd o hyd i swm o ganabis a chrac cocên ym mhoced ei siaced.

Roedd ganddo hefyd swm mawr o arian parod, yn ogystal â dau ffôn symudol, yn ei feddiant.

Plediodd Banfield yn euog i fod â chyffur Dosbarth A yn ei feddiant gyda'r bwriad o'i gyflenwi, bod â chyffur Dosbarth B yn ei feddiant, a bod ag eiddo troseddol yn ei feddiant. Mae wedi cael ei ddedfrydu i bedair blynedd yn y carchar.

Dywedodd y Rhingyll Geraint Thomas:

“Roedd bwriadau Ashton Banfield yn Abertawe ar ddiwrnod ei arestiad yn glir – roedd yno i ddelio'r cyffuriau Dosbarth A a oedd yn ei feddiant ar strydoedd y ddinas.

“Mae'n ffodus bod ein swyddogion wedi ei stopio ar yr adeg honno – pe byddai wedi cael ei adael i barhau â'i weithgareddau anghyfreithlon, byddai llawer mwy o gyffuriau yn ein cymuned.

“Rydym yn gobeithio y bydd yn newid ei ffyrdd yn ystod ei gyfnod yn y carchar.”