Dyn o Abertawe wedi'i garcharu ar ôl i'w ymosodiad achosi anafiadau sylweddol i'r dioddefwr
Cynnwys y prif erthygl
Mae dyn o Abertawe wedi'i garcharu ar ôl cyflawni ymosodiad a wnaeth achosi anafiadau sylweddol i wyneb ei ddioddefwr.
Ymosododd Paul Wiggins, 60 oed o'r Ardal Forol, ar y dioddefwr gan ddefnyddio pêl fetel o fewn hosan cyn ei gicio a chamu arno yn ystod yr ymosodiad, a ddigwyddodd ar 5 Tachwedd y llynedd.
Newidiodd Wiggins ei ble i achosi niwed corfforol difrifol yn fwriadol o Dieuog i Euog yn gynharach y mis hwn, ac mae bellach wedi cael ei ddedfrydu i bum mlynedd a phum mis yn y carchar.
Dywedodd y Rhingyll Mark Bateman:
"Aeth ymosodiad Paul Wiggins ymhell y tu hwnt i anghytundeb syml. Mae'r ffaith iddo ddefnyddio eitem bob dydd fel arf yn dangos ei fod wedi bwriadu achosi niwed difrifol i'w ddioddefwr.
"Dyna yn union ddigwyddodd, a chafodd y dioddefwr drafferth bwyta a siarad am gyfnod yn dilyn yr ymosodiad oherwydd yr anafiadau a gafodd i'w wyneb.
"Mae'n hollol briodol fod Paul Wiggins yn mynd i'r carchar cyn iddo wneud hyn i rywun arall."