Dyn o Abertawe wedi'i garcharu ar ôl blynyddoedd o ymosodiadau rhywiol ar blentyn
Cynnwys y prif erthygl
Mae dyn o Abertawe wedi cael ei garcharu ar ôl cyflawni ymosodiadau rhywiol ar blentyn am nifer o flynyddoedd.
Ymosododd Peter Brock, 60 oed o Ynysforgan, yn rhywiol ar y dioddefwr drwy ei gyffwrdd ac achosi iddo ymgymryd â gweithgarwch rhywiol pan oedd rhwng 9 ac 11 oed.
Dylanwadodd Brock ar y plentyn er mwyn sicrhau na fyddai'n dweud wrth neb am y cyffwrdd rhywiol. Fodd bynnag, flynyddoedd yn ddiweddarach, bu'r dioddefwr yn ddigon dewr i ddweud wrth rywun am yr hyn a ddigwyddodd.
Ar ôl pledio'n ddieuog, cafwyd Brock yn euog o saith achos o gyffwrdd rhywiol ac annog plentyn o dan 13 oed i ymgymryd â gweithgarwch rhywiol.
Mae wedi cael ei ddedfrydu i 13 blynedd estynedig yn y carchar. Mae'n destun gorchymyn atal yn erbyn y dioddefwr, ac yn destun Gorchymyn Atal Niwed Rhywiol.
Bydd ei enw ar y gofrestr troseddwyr rhyw am oes.
Dywedodd y Ditectif Gwnstabl Zowie Martin:
“Cyflawnodd Peter Brock batrwm o ymddygiad iasol yn erbyn plentyn diamddiffyn.
“I wneud pethau'n waeth, gwnaed i'r plentyn deimlo mai ef oedd ar fai am yr hyn a wnaeth Peter Brock iddo, oherwydd y pethau a ddywedodd wrtho mewn ymgais i osgoi unrhyw ganlyniadau am ei weithredoedd.
“Rydym yn canmol dewrder y dioddefwr i godi ei lais, ar ôl byw gyda'r profiad erchyll hwn am flynyddoedd. Rydym yn gobeithio na fydd yn rhaid iddo ofni Peter Brock mwyach.”