Carcharu dyn o Lanelli yn dilyn euogfarn o dreisio sawl gwaith
Cynnwys y prif erthygl
Mae dyn o Sir Gaerfyrddin wedi cael ei garcharu ar ôl ei gael yn euog o droseddau rhywiol yn erbyn dau ddioddefwr gwahanol.
Roedd Geoffrey Jones sy'n 37 oed, o Lanelli, yn destun ymchwiliad am honiadau ar wahân gan ddioddefwr pan ddatgelodd ei bod wedi cael ei threisio gan Jones ar sawl achlysur rhwng 2017 a 2019.
Ar yr un pryd, gwnaeth dioddefwr arall adfer ei hachos, lle bu ymgais i'w threisio yn ystod noson allan yn Abertawe yn 2015.
Mae Jones wedi cael ei euogfarnu o bedwar cyhuddiad o dreisio mewn perthynas ag un dioddefwr ac un cyhuddiad o ymgais i dreisio a threiddio byseddol mewn perthynas â'i ddioddefwr arall. Mae wedi cael ei ddedfrydu i 12 blynedd yn y carchar.
Dywedodd y Ditectif Gwnstabl Penny Romanello:
"Mae Geoffrey Jones yn droseddwr rhyw peryglus iawn a gymerodd mantais o ddioddefwyr sawl gwaith ac na ddangosodd unrhyw edifeirwch am ei weithredoedd ar unrhyw adeg.
"Mae un o'r dioddefwyr, a gafodd ei threisio ar sawl achlysur gan Geoffrey Jones, yn parhau i gael hunllefau am ei weithredoedd ac yn dioddef o byliau o banig ac ôl-fflachiau.
"Rydym yn gobeithio y bydd y dioddefwyr nawr yn gallu dod i delerau â'u profiadau trawmatig gan wybod bod Geoffrey Jones yn dechrau ar gyfnod sylweddol o amser yn y carchar."