Carcharu dyn o Abertawe yn dilyn bwrgleriaeth yn defnyddio cyllell

Mae dyn o Abertawe wedi cael ei garcharu ar ôl cyflawni lladrad yn defnyddio cyllell lle gwnaeth glymu aelodau o deulu yn eu cartref eu hunain.

Roedd Larry Black, 38 oed o Waunarlwydd, yn un o ddau ddyn a oedd yn gwisgo mygydau a aeth i mewn i'r eiddo ar Heol Pentyla, Llansamlet, â morthwyl a chyllyll.

Aeth y dynion â set o allweddi a £500 yn ystod y digwyddiad.

Yn ystod y cyfweliad ar ôl arestio Black yn ddiweddarach ym mis Mawrth, cyfaddefodd ei fod wedi bod yn rhan o'r digwyddiad, a phlediodd yn euog i achos o ladrata ym mis Ebrill.

Cafodd Black ddedfryd estynedig o 13 mlynedd yn y carchar. Nid yw wedi datgelu enw ei gyd-droseddwr hyd yma.

Dywedodd y Ditectif Ringyll Jonathan Holding:

“Mae Larry Black yn droseddwr peryglus sy'n fwy na pharod i ddefnyddio cyllyll ac arfau eraill fel ffordd o fygwth ei ddioddefwyr.

“Achosodd ymddygiad bygythiol Black a'i gyd-droseddwr i aelodau o deulu ofni nad oeddent yn ddiogel yn eu cartref. Nid yw Larry wedi datgelu enw ei gyd-droseddwr, sy'n dangos nad yw'n gallu gwneud y peth iawn.

“Nid yw wedi dangos unrhyw edifeirwch am ei weithredoedd. Felly, bydd Larry Black yn treulio blynyddoedd o'i fywyd yn y carchar.”