Carcharu dyn o Abertawe ar ôl iddo anfon negeseuon rhywiol i gyfrif ffug
Cynnwys y prif erthygl
Mae dyn o Abertawe wedi cael ei garcharu ar ôl iddo gael ei ddal yn cyfnewid negeseuon rhywiol â chyfrif ffug yr oedd yn ferch 14 oed yn ei dyb ef.
Plediodd Guy Brigdale, 34 oed o Fforestfach, yn euog i nifer o droseddau yn dilyn anfon y negeseuon ym mis Ionawr eleni, a oedd yn cynnwys:
• Ymgais i gyfathrebu'n rhywiol â phlentyn
• Ymgais i achosi/ysgogi merch 13-15 oed i ymgymryd â gweithgarwch rhywiol
• Ymgais i achosi plentyn 13-15 oed i wylio/edrych ar lun o weithgarwch rhywiol
• Ymgais i gyfarfod â phlentyn o dan 16 oed ar ôl meithrin perthynas amhriodol ar-lein â hi
• Torri Gorchymyn Atal Niwed Rhywiol
Ar gyfer yr holl droseddau, cafodd Brigdale ddedfryd estynedig o 12 mlynedd.
Dywedodd y Ditectif Ringyll Samuel Stanway:
"Roedd y negeseuon a gafodd eu hanfon gan Guy Brigdale, i unigolyn a oedd yn blentyn yn ei dyb ef, yn ffiaidd.
"Nid oes lle i unrhyw un sy'n cyfathrebu'n rhywiol â phlentyn yn ein cymdeithas. Mae'n ffodus iawn nad plentyn go iawn oedd yn rhan o'r sgwrs, gan y byddent wedi bod mewn perygl gwirioneddol wrth siarad â rhywun fel Guy Brigdale.
"Carchar yw'r unig le ar ei gyfer, ac mae ei ddedfryd hir yn dyst o hyn."