Menyw yn marw yn dilyn gwrthdrawiad traffig ffordd yn y Sblot, Caerdydd.

Mae menyw a oedd yn rhan o wrthdrawiad traffig ffordd gyda beiciwr ar Heol Moorland, y Sblot, Caerdydd, wedi marw yn yr ysbyty.

Mae'r heddlu sy'n ymchwilio i'r gwrthdrawiad yn apelio am dystion a gwybodaeth.

Roedd y fenyw 56 oed yn mynd â'i chi am dro gyda'i gŵr rywbryd rhwng 5.30pm a 6.30pm ddydd Mawrth, 10 Rhagfyr 2024, pan ddigwyddodd y gwrthdrawiad.

Aethpwyd â hi i Ysbyty Athrofaol Cymru, Caerdydd, lle bu farw ddoe (dydd Mawrth, 13 Ionawr).

Gofynnir i'r beiciwr sydd wedi'i ddisgrifio fel dyn yn gwisgo gorchudd wyneb du, crys gwyn a thei coch i gysylltu â'r heddlu.

Gofynnir i unrhyw un sydd â gwybodaeth neu ddeunydd fideo, a all helpu gyda'r ymchwiliad, gysylltu â Heddlu De Cymru drwy un o'r ffyrdd canlynol gan ddyfynnu 2400428551.

🗪 Sgwrs Fyw https://www.south-wales.police.uk/cy-GB/

💻 Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/

📧 E-bost [email protected]

📞 101

Ffoniwch 999 bob amser mewn argyfwng.