Dyn wedi'i garcharu am droseddau lluosog gan gynnwys ymddygiad rheolaethol a gorfodaethol, a gwneud bygythiadau i ladd.

Mae dyn wedi cael ei arestio ar ôl iddo gael ei ddyfarnu'n euog o droseddau lluosog gan gynnwys ymddygiad rheolaethol a gorfodaethol, a gwneud bygythiadau i ladd.

Cafodd Marcus Hadley, o Gasnewydd, ei arestio yng Nghaerdydd ar ôl i'r dioddefwr wneud galwad 999 o'i hystafell ymolchi wedi'i chloi.

Roedd Hadley, 35 oed, wedi ymosod arni, a bygwth arllwys dŵr berwedig drosti.

Cyrhaeddodd yr heddlu a chafodd Hadley ei arestio yn y fan a'r lle.

Yn dilyn cael ei arestiad, datgelodd ymholiadau y bu Hadley yn ymddwyn yn rheolaethol ac yn orfodaethol a bod hyn wedi achosi i'r dioddefwr ofni y byddai'r trais hwn yn cael ei defnyddio yn ei herbyn.

Dywedodd y swyddog a fu'n ymwneud â'r achos, PC Ffion Robinson o Heddlu De Cymru:

“Mae dwy flynedd o drais corfforol ac emosiynol wedi arwain at ymosodiad erchyll ar y dioddefwr ar 4 Gorffennaf 2024. Roedd hi'n ofni am ei bywyd a, diolch byth, galwodd 999.
“Yn ystod yr ymosodiad, cafodd y dioddefwr ei chnoi ar ei boch, a chael cyllell wrth ei gwddf.”

Gwadodd Hadley y troseddau, ond yn dilyn treial yn Llys y Goron Casnewydd ym mis Tachwedd 2024, cafodd ei ganfod yn euog o ymddygiad rheolaethol a gorfodaethol, ymosodiad drwy daro, ymosodiad gan achosi niwed corfforol gwirioneddol arni, a gwneud bygythiadau i ladd.

Cafodd ei ddedfrydu yn yr un llys ddoe (Dydd Llun 6 Ionawr) i bum mlynedd yn y carchar am y bygythiadau i ladd, gyda dedfrydau i gydredeg am y troseddau eraill.

Ychwanegodd PC Robinson:

“Mae'r dioddefwr wedi bod yn ddewr drwy gydol y profiad hwn a'r broses yn y llys, ac rydym yn gobeithio y bydd y canlyniad yn y llys yn ei galluogi i adfer ei hyder.
"Mae'r pŵer sydd gan ymddygiad rheolaethol a gorfodaethol yn golygu y gall unrhyw un, ni waeth beth fo oedran, rhywedd, rhywioldeb a phroffesiwn yr unigolyn, fod yn ddioddefwr.
“I'r byd y tu allan, gall troseddwyr ymddangos yn aml fel pobl hyfryd a hoffus. Gall dioddefwyr boeni na fyddant yn cael eu credu, neu deimlo embaras, neu eu bod wedi arwain eu hunain i mewn i'r sefyllfa.
“Os byddwch mewn perthynas gamdriniol, p'un a yw'r troseddwr yn bartner i chi neu yn aelod o'ch teulu, peidiwch â meddwl am hynny, rhowch wybod amdano. Mae cymorth ar gael ac mae gennym swyddogion arbenigol a fydd yn helpu.”

Cysylltwch â Heddlu De Cymru drwy un o'r ffyrdd canlynol:

• Sgwrs Fyw https://www.south-wales.police.uk/cy-GB/
• Rhowch wybod ar-lein https://www.south-wales.police.uk/cy-GB/riportio/riportio
• 101

Ffoniwch 999 bob amser mewn argyfwng.