Dyn a oedd yn rhedeg llinell gyffuriau 'Omari' wedi'i garcharu

Cafodd prif aelod llinell gyffuriau 'Omari' ei garcharu heddiw.

Bu Amara Harris, 22 oed, yn cymryd archebion am grac cocên a heroin ac yn cwrdd â'i gwsmeriaid i roi'r cyffuriau iddynt, ar ôl eu targedu â negeseuon mewn swmp rhwng mis Ebrill 2024 a mis Gorffennaf 2024.

Yn dilyn dadansoddiad fforensig o ddata ffôn, aeth swyddogion i siop ym Mhontcanna, Caerdydd, lle prynodd Amara fwy o gredyd ar gyfer ei ffôn ar 14 Mehefin. Cafodd y swyddogion ddeunydd fideo CCTV o'r digwyddiad a gwnaethant adnabod Harris fel y dyn yn y siop.

Mae'r deunydd fideo CCTV hefyd yn ei ddangos yn y cyrraedd y siop mewn car Audi du – er nad oes ganddo drwydded yrru.

Achubodd swyddogion ar eu cyfle ar 16 Gorffennaf, pan wnaethant ymholiadau arestio mewn tŷ ar Bedford Street, y Rhath.

Roedd Amara Harris yn y tŷ, ynghyd a'r ddyfais a oedd yn gysylltiedig â'r llinell gyffuriau, cloriannau digidol a miloedd o bunnoedd mewn arian parod.
Cafodd ei arestio a'i gyhuddo, a phlediodd yn euog i ymwneud â chyflenwi crac cocên a heroin ac am yrru heb drwydded nac yswiriant.

Ddydd Llun, 27 Ionawr, cafodd Harris ei garcharu yn Llys y Goron Merthyr Tudful am 41 mis.

Roedd Amara Harris yn un o 25 o bobl a gafodd eu harestio yn ystod mis Gorffennaf (2024) gan Dîm Troseddau Cyfundrefnol Caerdydd a'r Fro. Yn ystod yr ymgyrch atal, atafaelwyd chwarter cilogram o grac cocên a £17,000 mewn arian parod. Cafodd cyfanswm o 21 o linellau cyffuriau hefyd eu hatal rhag masnachu.

Llun dalfa'r heddlu o Amara Harris.