Dynion o Ben-y-bont ar Ogwr wedi'u carcharu yn dilyn lladrad yn Abertawe

Mae dau ddyn o Ben-y-bont ar Ogwr wedi cael eu carcharu ar ôl bod yn rhan o ladrad yn Abertawe ym mis Tachwedd.

Gwnaeth Brandon Dobbs, 20 oed o'r Castellnewydd, a Morgan Kemble, 20 oed o Fracla, ymosod ar eu dioddefwr gwrywaidd yn Waun Wen, cyn cymryd ei waled a'i ffôn symudol. Cafodd y ddau eu harestio gan swyddogion yn fuan wedi hynny, a phlediodd y ddau yn euog i achos o ladrata ym mis Rhagfyr.

Cafodd y ddau ddyn eu dedfrydu yr wythnos hon i dair blynedd yn y carchar yn Llys y Goron Abertawe. Cafodd Brandon Dobbs hefyd chwe mis ychwanegol wrth i'r barnwr weithredu dedfryd ohiriedig flaenorol.

Dywedodd y Ditectif Gwnstabl Samera Sabir:

“Ni chaiff troseddau treisgar eu goddef yn ein cymunedau, a gweithredodd ein swyddogion yn gyflym i fynd â Brandon Dobbs a Morgan Kemble i'r ddalfa yn dilyn eu hymosodiad ar y dioddefwr.

“Rydym yn gweithio drwy'r amser i ddwyn troseddwyr treisgar i gyfrif, ac mae'r ddedfryd hon yn un o'r enghreifftiau diweddaraf o hyn. Rydym yn gobeithio y byddant yn meddwl yn galed am eu gweithredoedd yn ystod eu cyfnod yn y ddalfa.”