Dau ddyn wedi eu carcharu am ymwneud â chyffuriau Dosbarth A

Rhoddwyd gwybod i'r heddlu am Alex Amanuel, 30 oed, o Nottingham, a Hakim Collace, 26 oed, o Loughborough, ar ôl iddynt gael eu gweld yn delio cyffuriau ar Stryd Matthew, Abertawe.

Cafodd cerbyd a oedd yn cael ei ddefnyddio gan y ddau ei weld yn teithio i Abertawe o ardal Nottingham.

Am ymwneud â chyflenwi cocên a heroin, mae Alex Amanuel wedi cael ei ddedfrydu i dair blynedd ac wyth mis yn y carchar, ac mae Hakim Collace wedi cael ei ddedfrydu i dair blynedd yn y carchar.

Dywedodd y Ditectif Ringyll Luke Tucker:

“Mae'r ddedfryd hon wedi sicrhau y bydd dau unigolyn sy'n ymwneud â masnach gyffuriau anghyfreithlon sy'n peri gofid i lawer o bobl yn eu cymuned yn y carchar am flynyddoedd.

“Nid yw'r rhai sy'n ymwneud â chyflenwi sylweddau anghyfreithlon yn poeni am lesiant y rhai y maent yn gwerthu iddynt. Maent yn poeni am eu helw eu hunain yn unig.

“Nid yw delio cyffuriau yn talu. Byddwch yn cael eich adnabod, a byddwch yn cael eich dwyn i gyfrif.”