Carcharu dyn o Gendros am fod â chyffuriau Dosbarth A yn ei feddiant gyda'r bwriad o'u cyflenwi
Cynnwys y prif erthygl
Mae dyn o Abertawe wedi cael ei garcharu am ymwneud â chyflenwi cyffuriau Dosbarth A.
Cynhaliodd yr heddlu chwiliad o dan warant yng nghyfeiriad Jason Carmichael, 36 oed o Gendros, ym mis Rhagfyr, lle daethant o hyd i swm mawr o gyffuriau, arian parod a chyfarpar cyffuriau arall.
Mae wedi cael ei ddedfrydu i 40 mis yn y carchar am fod â chocên, cetamin a chanabis yn ei feddiant gyda'r bwriad o'u cyflenwi, a bod ag eiddo troseddol yn ei feddiant.
Dywedodd Cwnstabl yr Heddlu Jake Reynish:
“Mae unrhyw un sy'n ymwneud â chyflenwi cyffuriau anghyfreithlon yn cyfrannu at system sy'n achosi niwed a gofid yn ein cymunedau.
“Hoffem ddiolch i aelodau o gymuned Gendros a ddarparodd wybodaeth am ymgyrch gyffuriau Jason Carmichael, sydd bellach wedi cael ei garcharu amdani.
“Dylai unrhyw un sy'n ymwneud â masnach gyffuriau anghyfreithlon wybod y bydd ein swyddogion yn eich adnabod, ac y byddwch yn cael eich dwyn i gyfrif.”