Carcharu dwy fenyw ar ôl lladrad yng Nghastell-nedd
Cynnwys y prif erthygl
Mae dwy fenyw o Gastell-nedd wedi cael eu carcharu am ymwneud ag ymosodiad a lladrad yng nghanol y dref.
Ymosododd Sarah Morgan, 39 oed heb gartref sefydlog, a Gemma Powell, 33 oed o ganol tref Castell-nedd, ar eu dioddefwr, sef menyw 49 oed, y tu allan i safle busnes ar Heol Windsor, Castell-nedd ym mis Hydref. Ar ôl taro'r dioddefwr i'r llawr, cymerodd Gemma Powell fag llaw y dioddefwr cyn dianc gyda'i ffôn symudol.
Mae Morgan wedi cael ei dedfrydu i 21 mis yn y carchar am ladrata, ac mae Powell wedi cael ei dedfrydu i 16 wythnos am achosi gwir niwed corfforol.
Dywedodd y Ditectif Gwnstabl Bethan Owen:
“Ni chaiff troseddau treisgar eu goddef yn unrhyw le yn ein cymunedau, a bydd Sarah Morgan a Gemma Powell bellach yn wynebu cyfiawnder am eu gweithredoedd.
“Bydd ymosodiadau fel yr un a gyflawnodd Morgan a Powell yn cael effeithiau parhaus ar ddioddefwyr. Rwy'n gobeithio y bydd y ddwy yn defnyddio eu hamser yn y carchar i fyfyrio ar eu gweithredoedd ac yn dod yn aelodau mwy cynhyrchiol o'r gymuned pan fyddant yn cael eu rhyddhau yn y pen draw.”