Yr heddlu yn chwilio am ddyn o Gaerdydd: mae'r apêl am wybodaeth yn parhau

Mae Heddlu De Cymru yn parhau i apelio am wybodaeth am leoliad dyn o Dredelerch, Caerdydd, y mae'r heddlu yn chwilio amdano.

Mae'r heddlu yn chwilio am Daniel Flynn ar amheuaeth o ddianc o'r ysbyty pan oedd dan oruchwyliaeth gyfreithlon staff y carchar.

Ychydig ar ôl 7pm nos Lun 13 Hydref, cafodd Heddlu De Cymru wybod bod unigolyn wedi dianc o Ysbyty Athrofaol Cymru, Caerdydd pan oedd dan oruchwyliaeth gyfreithlon staff y carchar.

Gwelwyd Flynn, 24 oed, ddiwethaf yn Adran Damweiniau ac Achosion Brys yr ysbyty, lle roedd yn bresennol er mwyn cael triniaeth feddygol.

Yn gynharach y diwrnod hwnnw, roedd wedi cael ei ddedfrydu yn Llys Ynadon Caerdydd i wyth wythnos yn y carchar am ddifrod troseddol.

Roedd yn gwisgo esgidiau rhedeg New Balance, trowsus loncian llwyd a siwmper lwyd.

Dywedodd y Ditectif Arolygydd Dan Todd:

“Rydym yn cynnal ymholiadau helaeth er mwyn dod o hyd i Daniel Flynn.

“Gofynnwn i unrhyw un sydd wedi gweld Daniel Flynn, neu sydd ag unrhyw wybodaeth am ei leoliad, gysylltu â Heddlu De Cymru.

“Os nad ydych yn dymuno siarad â'r heddlu, cysylltwch â Crimestoppers yn ddienw ar 0800 555 111”.

Ydych chi wedi ei weld? Cysylltwch â Heddlu De Cymru gan ddyfynnu'r cyfeirnod: 2500327832

• Sgwrs Fyw https://www.south-wales.police.uk/cy-GB/
• Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
• 101 neu Crimestoppers yn ddienw ar 0800 555 111.

Ffoniwch 999 bob amser mewn argyfwng.