Gwrthdrawiad Caerau: Dyn wedi ei gyhuddo o lofruddiaeth

Gall Heddlu De Cymru gadarnhau bod menyw 38 oed a gafodd ei hanafu mewn gwrthdrawiad yng Nghaerau, Caerdydd, y mis diwethaf, wedi marw ac mae dyn wedi cael ei gyhuddo o'i llofruddio.

Cafodd y gwasanaethau brys eu galw i Heol Trelai ychydig cyn 12.20am ddydd Sadwrn, 27 Medi, yn dilyn adroddiad bod gyrrwr car wedi gwrthdaro â sawl cerddwr.

Cafodd Shelley Davies, 38 oed, o Gaerau, ei hanafu yn ystod y digwyddiad a bu farw yn Ysbyty Athrofaol Cymru, Caerdydd, ddoe (ddydd Sadwrn, 18 Hydref)

Yn dilyn y gwrthdrawiad, cafodd dyn lleol 18 oed ei arestio ar amheuaeth o achosi niwed corfforol difrifol ac achosi anaf difrifol drwy yrru'n beryglus.

Roedd ar fechnïaeth tra gwnaethpwyd ymholiadau pellach.

Mae Kian Bateman, o Gaerau, Caerdydd, wedi cael ei ail-arestio a'i gyhuddo o lofruddio Shelley Davies.

Mae wedi'i gadw yn y ddalfa a disgwylir iddo ymddangos gerbron Llys Ynadon Caerdydd yfory (ddydd Llun, 20 Hydref), wedi'i gyhuddo hefyd o achosi niwed corfforol difrifol i ail ddioddefwr.

Dywedodd y Ditectif Arolygydd Mike Healy, o Heddlu De Cymru:

"Mae ein meddyliau gyda theulu a ffrindiau Shelley Davies wrth iddynt ddod i delerau â'r golled drasig hon.

“Mae swyddogion yr heddlu yn parhau i gefnogi a rhoi'r wybodaeth ddiweddaraf i deulu Shelley.”