Bwrgleriaeth Sain Ffagan: Dau ddyn wedi'u cyhuddo

Mae dau ddyn wedi'u cyhuddo o fwrgleriaeth yn Amgueddfa Werin Cymru Sain Ffagan, Caerdydd.

Mae disgwyl i Gavin Burnett, 43 oed, a Darren Burnett, 50 oed o Northampton, ymddangos yn Llys Ynadon Northampton heddiw.

Mae Heddlu De Cymru yn parhau i ymchwilio i'r fwrgleriaeth y rhoddwyd gwybod amdani tua 12.30am ddydd Llun, 6 Hydref.

Cafodd sawl eitem, gan gynnwys gemwaith aur o'r Oes Efydd, eu dwyn o gwpwrdd arddangos yn y prif adeilad.

Mae'r ymchwiliad yn parhau i olrhain a dod o hyd i'r eitemau a gafodd eu dwyn.

Dywedodd y Ditectif Arolygydd Bob Chambers, o Heddlu De Cymru:

“Hoffem ddiolch unwaith eto i Heddlu Swydd Northampton am eu cymorth yn ystod yr ymchwiliad, i'r amgueddfa am ei chymorth ac i aelodau o'r cyhoedd a wnaeth ymateb i'n hapêl am wybodaeth.”

Mae menyw 45 oed o Swydd Northampton, wedi cael ei harestio fel rhan o'r ymchwiliad ac mae ar fechnïaeth.

Gofynnir i unrhyw un sydd â gwybodaeth gysylltu â Heddlu De Cymru gan ddyfynnu 2500319180:

• Sgwrs Fyw https://www.south-wales.police.uk/cy-GB/
• Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
• 101 neu Crimestoppers yn ddienw ar 0800 555 111

Ffoniwch 999 bob amser mewn argyfwng.