Bwrgleriaeth yn Amgueddfa Werin Cymru Sain Ffagan, Caerdydd

Mae Heddlu De Cymru yn ymchwilio i fwrgleriaeth yn Amgueddfa Werin Cymru Sain Ffagan, Caerdydd.

Am tua 12.30am y bore yma (ddydd Llun, 6 Hydref), cafwyd gwybod am fwrgleriaeth yn yr amgueddfa.

Dywedodd y Ditectif Arolygydd Bob Chambers, o Heddlu De Cymru:

“Ar hyn o bryd, credwn fod dau unigolyn wedi gorfodi eu ffordd i mewn i'r prif adeilad, lle cafodd nifer o eitemau, gan gynnwys gemwaith aur o'r Oes Efydd, eu dwyn o gas arddangos.
“Mae ymchwiliad yn mynd rhagddo, ac rydym yn erfyn ar unrhyw un sydd â gwybodaeth i gysylltu â ni cyn gynted â phosibl.
“Gallai unrhyw wybodaeth, ni waeth pa mor fach, fod yn berthnasol i'r ymchwiliad.”

Ychwanegodd llefarydd ar ran Amgueddfa Cymru:

“Fel amgueddfa, rydym yn siomedig i glywed am yr ymosodiad wedi'i dargedu'n benodol at Amgueddfa Werin Cymru Sain Ffagan yng Nghaerdydd. Mae'r eitemau y tybir iddynt gael eu dwyn yn enghreifftiau o emwaith aur o'r Oes Efydd ac roeddent wedi'u harddangos yn Oriel Cymru.
“Hoffem ddiolch i Heddlu De Cymru am eu cydweithrediad yn yr ymchwiliad hwn ac am eu hymateb prydlon pan gawsant wybod am y digwyddiad yn oriau mân y bore. Rydym hefyd yn ddiolchgar iawn i'r aelodau o staff a oedd ar ddyletswydd dros nos, a wnaeth ddilyn protocol ac, yn ffodus, na chawsant eu hanafu yn ystod y digwyddiad.”

Gofynnir i unrhyw un sydd â gwybodaeth gysylltu â Heddlu De Cymru gan ddyfynnu 2500319252.

• Sgwrs Fyw https://www.south-wales.police.uk/cy-GB/
• Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd
• 101 neu Crimestoppers yn ddienw ar 0800 555 111.

Ffoniwch 999 bob amser mewn argyfwng.