Mae'r Fforwm Dysgu, Ymgysylltu ac Addasu mewn Partneriaeth (LEAP) yn cynnig cyfle i drafod eich cymuned â'r heddlu
Cynnwys y prif erthygl
Bydd aelodau o'r gymuned a phobl ifanc yn cael y cyfle i gyfarfod â'r heddlu i drafod y materion y maent yn eu gweld yn eu cymunedau mewn digwyddiad sydd i ddod yn Abertawe.
Mae'r Fforwm Dysgu, Ymgysylltu ac Addasu mewn Partneriaeth (LEAP) yn rhoi cyfle i aelodau o'r cyhoedd o gefndiroedd ethnig lleiafrifol, a grwpiau heb gynrychiolaeth ddigonol, gyfarfod â'r heddlu i drafod y materion sy'n effeithio arnynt yn eu cymunedau.
Mae'r digwyddiad hefyd yn galluogi'r heddlu i rannu gwybodaeth i ddangos sut y gallwn gydweithio i gadw cymunedau Abertawe, Castell-nedd a Phort Talbot yn ddiogel.
Caiff y Fforwm ei gynnal mewn amrywiaeth o leoliadau yn Abertawe a Chastell-nedd Port Talbot, a bydd y digwyddiad nesaf yn cael ei gynnal ym Mosg a Chanolfan Gymunedol Islamaidd Abertawe, St. Helen’s Road, Abertawe am 5pm ddydd Mawrth, 14 Hydref.
Caiff y pynciau canlynol eu trafod ar y diwrnod.
1. Y defnydd o'r broses stopio a chwilio fel ffordd o leihau troseddau treisgar a throseddau yn ymwneud â chyffuriau
2. Llinellau cyffuriau a chamfanteisio troseddol ar blant
3. Ein dull o reoli protestiadau