Carcharu bwrgler o Abertawe ar ôl iddo dargedu cartref menyw yn ei nawdegau sawl gwaith
Cynnwys y prif erthygl
Mae bwrgler o Abertawe wedi cael ei garcharu wedi iddo dargedu cartrefi a cherbydau yn ei ardal sawl gwaith, gan gynnwys targedu cartref menyw yn ei nawdegau ddwywaith.
Aeth Brandon Williams, 22 oed o Dreforys, i mewn i nifer o gyfeiriadau yn ardal Treforys yn ystod mis Tachwedd 2024 a mis Gorffennaf 2025, gan ddwyn arian ac allweddi, a dianc mewn cerbydau a oedd wedi'u parcio'r tu allan weithiau hefyd.
Ar ôl pledio'n euog i fwrgleriaeth a lladrata di-drais, mae Williams wedi cael ei ddedfrydu i dair blynedd a thri mis yn y carchar.
Dywedodd y Ditectif Ringyll Samuel Stanway:
"Brandon Williams yw'r math o droseddwr hunanol sy'n gwneud i bobl, yn enwedig yr henoed, deimlo'n anniogel yn eu cartrefi eu hunain.
"Mae'n amlwg ei fod wedi targedu menyw a oedd yn agored i niwed oherwydd ei hoedran yn fwriadol, sy'n ddigon gwarthus fel mae hi, ond mae mynd ag allweddi ei thŷ a'r arian roedd hi wedi'i neilltuo i dalu am gael gwasanaethu ei boeler y diwrnod canlynol yn dangos yn glir nad oes gan Brandon unrhyw foesau o gwbl.
"Roedd wrthi'n mynd i mewn i dŷ ei ddioddefwr nesaf tra'r oedd yr heddlu yn ymchwilio i'r achos blaenorol o ladrata. Nid yw'n poeni dim am ei gymuned, a nawr bydd ei gymuned yn cael llonydd ganddo am sawl blwyddyn."