Ymchwiliad i lofruddiaeth yn y Barri

Mae Heddlu De Cymru wedi lansio ymchwiliad i lofruddiaeth yn dilyn digwyddiad yn y Barri neithiwr (nos Lun, 30 Mehefin).

Bu farw dyn 38 oed o'r Barri, ac mae ei deulu yn cael ei gefnogi gan swyddogion cyswllt sydd wedi cael hyfforddiant arbenigol.

Mae dau fachgen, 16 ac 17 oed, o Lanilltud Fawr, wedi cael eu harestio ar amheuaeth o lofruddiaeth ac maent yn y ddalfa o hyd. 

Ychydig cyn canol nos neithiwr, cafwyd gwybod am achos o drywanu ar Barry Road.

Bydd ffyrdd ar gau a chordonau'r heddlu yn eu lle am beth amser wrth i ymchwiliadau fynd rhagddynt.

Dywedodd y Ditectif Uwch-arolygydd Mark O'Shea o Heddlu De Cymru:

“Mae ymchwiliad i lofruddiaeth wedi dechrau yn dilyn marwolaeth dyn o'r Barri neithiwr.
“Mae hon yn gymuned glòs a fydd yn sicr mewn sioc fawr ac wedi'i thristau gan yr hyn sydd wedi digwydd.
“Diolch i'r cyhoedd am eu cymorth a'u dealltwriaeth ar yr adeg hon. Rydym yn ymwybodol bod y digwyddiad yn cael effaith sylweddol ar y gymuned leol gyda chordon helaeth yr heddlu, ffyrdd ar gau ac ysgol gynradd hefyd ar gau am y diwrnod.
“Bydd mwy o swyddogion yr heddlu yn yr ardal dros y dyddiau nesaf wrth i dimau o dditectifs a staff arbenigol weithio'n ddiwyd i gadarnhau amgylchiadau'r digwyddiad.”

Gellir cyflwyno gwybodaeth a deunydd fideo ar-lein yma: https://mipp.police.uk/operation/62SWP25C16-PO1

Gall unrhyw un sydd â gwybodaeth hefyd gysylltu â Heddlu De Cymru gan ddyfynnu 2500207506.

• Sgwrs Fyw https://www.south-wales.police.uk/cy-GB/
• Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd
• 101

Ffoniwch 999 bob amser mewn argyfwng.