Ymchwiliad i lofruddiaeth yn y Barri: Dau berson wedi'u cyhuddo o lofruddiaeth a theyrnged gan y teulu

Kamran Aman

Mae dau berson ifanc wedi cael eu cyhuddo o lofruddio Kamran Aman yn y Barri.

Mae'r bechgyn, sy'n 16 oed a 17 oed, o Lanilltud Fawr, na ellir eu henwi am resymau cyfreithiol, wedi cael eu cyhuddo o lofruddiaeth.
Byddant yn ymddangos gerbron Llys Ynadon Caerdydd yfory (Dydd Iau, 3 Gorffennaf).

Mae teulu Kamran wedi cael y wybodaeth ddiweddaraf ac maent yn parhau i gael eu cefnogi gan swyddogion sydd wedi'u hyfforddi'n arbennig.

Cafodd swyddogion yr heddlu eu galw i achos o drywanu ar Barry Road ychydig cyn hanner nos, nos Lun 30 Mehefin.

Bu farw'r tad i un, Kamran a oedd yn 38 oed, ac mae ymchwiliad i'w lofruddiaeth wedi'i lansio.

Dywedodd y Ditectif Uwch-arolygydd Mark O'Shea o'r Tîm Ymchwilio i Droseddau Mawr: "Rydym yn meddwl am deulu a ffrindiau Kamran ers digwyddiadau trasig nos Lun.

“Mae dau unigolyn wedi cael eu cyhuddo erbyn hyn, ac nid ydym yn chwilio am unrhyw un arall mewn cysylltiad â marwolaeth Kamran.

"Hoffem ddiolch yn fawr i'r gymuned am y cymorth a'r wybodaeth sydd wedi eu darparu'n barod.

"Rydym yn deall bod ffyrdd ar gau a chordonau'r heddlu, sydd bellach wedi cael eu codi, wedi cael effaith sylweddol ar y gymuned leol."

Mae teulu Kamran wedi rhyddhau'r deyrnged ganlynol: "Gyda thristwch mawr a chalonnau trwm, rydym yn galaru am farwolaeth drasig Kamran. Yn ŵr ymroddedig, tad cariadus, mab annwyl, brawd, ewythr a ffrind ffyddlon, roedd Kamran wrth galon ei deulu ac yn cael wedi ei garu o fewn ei gymuned.

"Roedd yn adnabyddus am ei ysbryd hael a'i galon garedig, roedd Karman yn dod â chynhesrwydd a chryfder i bawb roedd yn cyfarfod â nhw. Mae ei absenoldeb yn gadael bwlch eithriadol ym mywydau pawb a oedd yn ei adnabod.

"Wrth i ni alaru'r golled enfawr hon, rydym hefyd yn anrhydeddu ac yn dathlu'r bywyd a wnaeth ei fyw a'r effaith a gafodd. Bydd yr atgof amdano yn fendith."
Mae'r teulu wedi gofyn am breifatrwydd ar yr adeg hon wrth iddynt ddod i delerau â'u galar.

Mae'r ymchwiliad yn parhau a gofynnir i unrhyw un sydd â gwybodaeth i gysylltu â'r heddlu.

Gellir cyflwyno gwybodaeth a deunydd fideo ar-lein yma:

https://mipp.police.uk/operation/62SWP25C16-PO1
Gall unrhyw un sydd â gwybodaeth hefyd gysylltu â Heddlu De Cymru gan ddyfynnu 2500207506.
🗪 Sgwrs Fyw https://www.south-wales.police.uk/cy-GB/
💻 Cysylltwch â ni drwy https://www.south-wales.police.uk/cy-GB/cysylltu-a-ni/af/ffurflenni-cysylltu-a-ni/darparu-mwy-o-wybodaeth-iw-hychwanegu-at-adroddiad-trosedd/
📞 101
Ffoniwch 999 bob amser mewn argyfwng.