Heddlu De Cymru yn cynnal ymarfer hyfforddi amlasiantaethol yn Ysgol Gynradd Oakfield

Cynhaliodd Heddlu De Cymru ymarfer hyfforddi ar y cyd â Chyngor Caerdydd ac Ysgol Gynradd Oakfield yr wythnos hon.

Nod yr ymarfer oedd gwella'r ymateb brys a gwella'r cydgysylltu rhwng asiantaethau partner mewn digwyddiad mawr.

Roedd y senario yn efelychu dau gi XL Bully yn rhedeg yn rhydd yn Llaneirwg. Roedd un o'r cŵn wedi ymosod ar ddau berson a'u hanafu, ac roedd y ci arall wedi anafu dau berson arall gan gynnwys gofalwr yr ysgol, ac roedd nawr yn rhedeg o gwmpas tir yr ysgol.

Cafodd y gwaith o gydgysylltu'r digwyddiad ei reoli o ystafell rheoli Bae Caerdydd lle roedd comanderiaid arian ac arsylwyr o bob asiantaeth partner yn cydweithio er mwyn rhannu gwybodaeth amser real a sicrhau ymateb unedig.

Roedd y digwyddiad yn cynnwys bod ein ci llesiant Carter ar y safle gyda'r plant yn yr ysgol gynradd drwy gydol yr ymarfer.

Dywedodd y Prif Uwch-arolygydd Marc Attwell, “Roedd yr ymarfer hwn yn brofiad dysgu gwych i ni ac mae wedi gwella ein gallu i ymateb i ddigwyddiad o'r fath yn y dyfodol yn sylweddol, sy'n golygu y gallwn gadw pobl hyd yn oed yn fwy diogel.

Dywedodd y Cynghorydd Sarah Merry, Dirprwy Arweinydd ac Aelod Addysg y Cabinet: “Mae'r ymarfer hwn yn tynnu sylw at bwysigrwydd ysgolion yn paratoi'n llawn ar gyfer digwyddiadau brys a gwerth partneriaethau amlasiantaethol cryf. Drwy weithio gyda'n gilydd mewn senarios realistig, rydym yn sicrhau bod pob sefydliad - o'r heddlu i ysgolion a'r Awdurdod Lleol, yn gallu ymateb yn gyflym ac yn effeithiol i amddiffyn ein plant a'n cymunedau."