Dyn o Ben-y-graig wedi ei garcharu ar ôl ymosod ar dylinwraig

Mae dyn a ymosododd ar fenyw â morthwyl a'i thagu wedi cael ei garcharu am oes, yn dilyn ymchwiliad gan Heddlu De Cymru.

Yn dilyn pledion euog, cafodd Connor Probert sy'n 26 oed o Ben-y-graig, ei ddedfrydu am oes gydag isafswm o ddwy flwyddyn a 283 diwrnod am achosi Niwed Corfforol Difrifol yn fwriadol ar 11 Gorffennaf yn Llys y Goron Caerdydd. Mae hefyd wedi cael dedfrydau sy'n cydredeg am dagu bwriadol (dwy flwyddyn a thri mis) a bod ag arf ymosodol yn ei feddiant mewn man cyhoeddus (un flwyddyn).

Bydd Probert hefyd yn destun gorchymyn atal am oes.

Roedd hyn yn dilyn digwyddiad ar 17 Chwefror, 2024 am 6.30pm lle aeth Probert i apwyntiad tylino â chwmni yn Cathays, ar ôl ei drefnu hanner awr yn gynharach.

Ar ôl gorffen y driniaeth, ceisiodd y dylinwraig adael yr ystafell, fodd bynnag, cafodd ei thynnu yn ôl o'r drws gan Probert a'i tharo ar ei phen â morthwyl. Parhaodd Probert i daro'r dioddefwr eto wrth iddi geisio tynnu'r morthwyl o'i ddwylo.

Llwyddodd i gael gafael ar y morthwyl a tharo Probert ag ef cyn iddo ei thagu. Tarfwyd ar yr ymosodiad pan aeth mab y dioddefwr i'r siop, ar ôl trefnu i gyfarfod â'i fam.

Llwyddodd i adael y siop a ffonio 999. Aeth swyddogion i'r siop a daethant o hyd i Probert yn yr ystafell ymolchi, â'r morthwyl yn ei feddiant o hyd.

Dywedodd y swyddog ymchwilio, y Ditectif Gwnstabl Alex Lloyd: "Roedd hwn yn ymosodiad yn ffyrnig a pharhaus a adawodd y dioddefwr yn ofni am ei bywyd ac mae wedi cael effaith sylweddol ar ei gyrfa.

"Rwy'n falch o weld y ddedfryd hon ac yn gobeithio y bydd yn helpu'r dioddefwr i gael rhywfaint o gysur ar ôl y digwyddiad brawychus.