Diwrnod Cofio Srebrenica

Ar Ddiwrnod Cofio Srebrenica, rydym yn cofio am filoedd o Fwslemiaid Bosnia a gafodd eu llofruddio ar sail eu hunaniaeth 30 mlynedd yn ôl.

I nodi hyn ym mis Gorffennaf 1995, cynhaliwyd gwasanaeth byr o fyfyrdod y tu allan i bencadlys yr heddlu ym Mhen-y-bont ar Ogwr heddiw.

Arweiniwyd y gwasanaeth gan y Dirprwy Brif Gwnstabl Jason Davies ac roedd yn cynnwys darlleniadau gan Gaplan yr Heddlu a geiriau o brofiad gan Dditectif Arolygydd Phillip Marchant, a gafodd ei anfon i Bosnia yn 1995 ar ddyletswyddau cadw'r heddwch pan roedd yn gwasanaethu gyda'r lluoedd arfog. Roedd cyn-filwyr eraill o'r gwasanaeth yn bresennol, a ymunodd â ni i dalu teyrnged i'r rhai hynny a gollodd eu bywydau o ganlyniad i'r hil-laddiad.

Dywedodd y Dirprwy Brif Gwnstabl, Jason Davies:

“Heddiw, rydym yn talu teyrnged i'r nifer o Fwslemiaid Bosnia a gafodd eu lladd, yn syml, am fod yn nhw eu hunain, ac yn cydnabod y rhai hynny a geisiodd eu hamddiffynnodd mor ddewr.

“Mae'r digwyddiad hwn yn rhoi cyfle i ni anrhydeddu'r dioddefwyr, cefnogi goroeswyr a gweithio tuag at ddyfodol lle na fydd trychinebau o'r fath yn digwydd eto.

“Fel aelodau o Heddlu De Cymru, rydym eisoes wedi dewis herio sefyllfaoedd yn ein cymunedau ac nid bod yn dyst iddynt yn unig, ac mae dyletswydd arnom i herio ac atal achosion o wahaniaethu o bob math.

“Gadewch i ni fyfyrio ar sut y gallwn wneud gwahaniaeth a hyrwyddo diwylliant o gynhwysiant a derbyn.”

Heno a thrwy'r penwythnos, bydd ein Pencadlys yn cael ei oleuo'n wyrdd a gwyn i gofio am y rhai a gollodd eu bywydau.

Hil-laddiad Srebrenica oedd yr erchyllter gwaethaf yn Ewrop ers yr Ail Ryfel Byd, gyda 8,000 o bobl – dynion yn bennaf, yn amrywio o bobl ifanc i ddynion hŷn, ond rhai plant ifanc a menywod hefyd – wedi'u llofruddio.

Rydym yn parhau i gofio am y rhai hynny a gafodd eu llofruddio yn yr erchyllter dri degawd yn ôl.

Hefyd, cawn ein hatgoffa nad yw troseddau casineb fyth yn dderbyniol ac rydym yn parhau i fod yn ymrwymedig i sefyll yn erbyn casineb a rhagfarn o bob math heddiw.