Cyhuddiad o ddynladdiad yn dilyn marwolaeth dyn y daethpwyd o hyd iddo mewn cyflwr difrifol wael yn Rhondda Cynon Taf

Mae dyn 35 oed wedi cael ei gyhuddo o ddynladdiad yn dilyn marwolaeth dyn 46 oed yn Rhondda Cynon Taf.

Cafodd Heddlu De Cymru alwad ychydig cyn 9.25pm nos Fercher 9 Gorffennaf, gan Wasanaeth Ambiwlans Cymru, yn rhoi gwybod bod dyn yn cael ataliad ar y galon yn Moorland Crescent, Beddau.

Ar ôl i'r swyddogion gyrraedd, daeth i'r amlwg bod rhywun wedi ymosod ar y dyn 46 oed, gan achosi iddo gwympo i'r llawr. Cafodd ei gludo i'r ysbyty mewn cyflwr difrifol wael, ond bu farw ddydd Sul 20 Gorffennaf.

Mae Luke Jones, 35 oed o Donteg, Pontypridd, wedi cael ei gyhuddo o ddynladdiad ac ymddangosodd gerbron Llys Ynadon Merthyr fore heddiw. Caiff ei gadw yn y ddalfa tan ei ymddangosiad nesaf yn y llys ar 19 Awst.