Carcharu dyn o Dredelerch am drywanu
Cynnwys y prif erthygl
Mae dyn wedi cael ei garcharu am drywanu yn Llanrhymni, Caerdydd.
Cafwyd Connor Hobbs, 31 oed, yn euog o glwyfo'n fwriadol ac o fod â chyllell yn ei feddiant yn dilyn digwyddiad ar Glastonbury Terrace.
Cafodd yr heddlu alwad yn rhoi gwybod bod unigolion yn ymladd tua 11.50am ddydd Mercher, 4 Medi, 2024.
Roedd Hobbs wedi trywanu dyn 50 oed, yr oedd yn ei adnabod, yn ei lygad gan achosi iddo golli ei olwg.
Cafodd ei arestio yn y fan a'r lle, a ddoe (Dydd Llun 21 Gorffennaf) cafodd ei ddedfrydu yn Llys y Goron Caerdydd i 13 mlynedd a phedwar mis yn y carchar.
Mewn datganiad i'r llys, dywedodd y dioddefwr:
“Dyma'r peth gwaethaf sydd erioed wedi digwydd i mi. Nid yn unig y digwyddiad ei hun, ond yr effeithiau y mae wedi'u cael ar fy llesiant corfforol, meddyliol ac emosiynol.
“Byddaf yn ddall yn fy llygad chwith am weddill fy oes, ac mae creithiau'r diwrnod yn rhai parhaol. Ni fyddaf byth yn gallu dianc rhag yr effaith y mae'r digwyddiad hwn wedi'i chael arnaf.”
Mae'r achos hwn yn tynnu sylw unwaith eto at ganlyniadau dinistriol troseddau cyllyll.
Ni fydd cario cyllyll ar ein strydoedd yn cael ei oddef. Darllenwch fwy am ein hymgyrch i atal troseddau cyllyll: https://southwales.nottheone.co.uk/cy/