Dedfrydu dyn o Frynna am ymosodiad gyda machete

Mae dyn wedi'i ddedfrydu i chwe blynedd ar ôl ymosod ar ddyn gyda machete yn y Barri.

Ar 17 Gorffennaf, yn Llys y Goron Caerdydd, dedfrydwyd Daniel Harris, 18 oed, o Frynna i chwe blynedd mewn sefydliad i droseddwyr ifanc ar ôl cael ei ganfod yn euog o achosi niwed corfforol difrifol yn fwriadol.

Dilynodd hyn ddigwyddiad ger Heol Ramsey yn y Barri ar 14 Rhagfyr, 2024, pan ddaeth y dioddefwr, dyn yn ei 30au at Harris, gan gredu mai rhywun arall ydoedd.

Yna, cyflwynodd Harris machete a oedd wedi'i guddio yn ei drowsus a dechrau ymosod ar y dioddefwr. Ceisiodd y dioddefwr redeg, ond dilynodd Harris ef ac ar ôl cwympo, daliodd Harris ati i ymosod arno cyn gadael lleoliad yr ymosodiad.

Roedd angen dros 20 pwyth ar rwygiad i wyneb y dioddefwr, cafodd doriad i'w ysgwydd dde, a thorrwyd gwäell ei ffêr, yn ogystal â niwed i'w ewynnau a'i nerfau.

Dywedodd y Ditectif Arolygydd Phillip Marchant:

“Mae mynd i'r afael â throseddau yn ymwneud ag arfau fel machetes a chyllyll yn un o flaenoriaethau Heddlu De Cymru, ac rydym yn cymryd achosion fel hyn wirioneddol o ddifrif. Nid oes lle i bobl sy'n cario cyllyll yn ein cymuned.
“Rwy'n falch i weld y ddedfryd hon ac rwy'n gobeithio y bydd yn rhoi rhywfaint o amser i Harris, sy'n cael ei adnabod fel Rambo gan bobl eraill, fyfyrio ar ei benderfyniad i gario arf. Er i'r digwyddiad hwn fod yn un trawmatig dros ben i'r dioddefwr, gallai'r canlyniad fod wedi bod gryn dipyn yn waeth.”