Menyw o Bontardawe wedi'i charcharu ar ôl torri gorchymyn atal yn erbyn ei chyn-bartner
Cynnwys y prif erthygl
Mae menyw o Gastell-nedd Port Talbot wedi cael ei charcharu ar ôl torri gorchymyn atal a gafodd am ymosod ar ei chyn-bartner.
Gwnaeth Charlotte Cotterrell sy'n 26 oed o Bontardawe, weiddi iaith ddifrïol ar ei chyn-bartner wrth bwyso allan o ffenest sedd flaen car a oedd yn symud pan oedd yn cerdded ar y palmant.
O ganlyniad i hynny, torrodd y gorchymyn atal a osodwyd yn flaenorol yn ei herbyn gan y dioddefwr.
Plediodd Cotterrell yn ddieuog i'r drosedd ond fe'i cafwyd yn euog yn y llys ym mis Ebrill.
Mae wedi cael ei dedfrydu i 14 mis a 12 wythnos yn y carchar, gan gynnwys 12 wythnos am dorri'r gorchymyn atal ac 14 mis am weithredu dedfryd a gafodd yn flaenorol am achosi gwir niwed corfforol i'r dioddefwr.
Dywedodd y Rhingyll Mark Bateman:
"Ni ddylai neb orfod wynebu aflonyddwch parhaus gan eu partner, yn enwedig pan nad ydynt mewn perthynas mwyach.
"Mae Charlotte Cotterrell wedi dangos diffyg aeddfedrwydd a diffyg rheolaeth dros ei hemosiynau. Bydd hyn wedi bod yn anodd iawn i'r dioddefwr, y mae wedi bod yn dreisgar yn gorfforol yn ei erbyn yn flaenorol.
"Gobeithio y bydd hi'n meddwl am ei dewisiadau yn y carchar ac yn gwneud newidiadau y mae eu hangen yn fawr i'w bywyd."