Dyn o Lyn-nedd wedi'i garcharu ar ôl cael ei ganfod yn euog o drais rhywiol a throseddau eraill

Mae dyn o Gastell-nedd Port Talbot wedi cael ei garcharu ar ôl iddo gael ei ganfod yn euog o drais rhywiol a nifer o droseddau eraill.

Treisiodd Curtis Evans, 29 oed o Lyn-nedd, ei droseddwr ar dri achlysur ym mis Mehefin 2024. Gwnaeth hefyd dagu'r dioddefwr, ac ar achlysur arall, rhoddodd y dioddefwr yn ei gar gan ddweud wrthi y byddai'n ei lladd.

Ar ôl pledio'n ddieuog i'r holl gyhuddiadau, cafwyd Evans yn euog o dri achos o drais rhywiol ac un achos o dagu bwriadol, yn ogystal ag un achos o herwgipio, un achos o fygwth lladd, un achos o achosi niwed corfforol gwirioneddol, ac un achos o stelcio.

Mae Evans wedi cael dedfryd o dair blynedd a chwe mis yn y carchar, ynghyd â dedfryd estynedig o 18 mlynedd yn cynnwys 15 mlynedd yn y carchar a thair blynedd ar drwydded estynedig.

Mae hefyd wedi cael gorchymyn atal yn erbyn y dioddefwr a bydd yn cael ei ychwanegu at y gofrestr troseddwyr rhyw am gyfnod amhenodol.

Dywedodd y Ditectif Gwnstabl Jack Stannard o'r Tîm Ymchwilio i Drais Rhywiol:

“Mae Curtis Evans yn gymeriad cas a pheryglus iawn a wnaeth fywyd ei ddioddefwr yn hunllef.

“Nid oedd yn poeni dim am gydsyniad na lles y dioddefwr, a phe na bai'r heddlu wedi ymyrryd, mae'n anochel y byddai wedi cyflawni rhagor o droseddau yn erbyn y dioddefwr.

“Rydym yn canmol y dioddefwr am ei dewrder wrth siarad am ei cham-driniwr, Curtis Evans. Rydym yn gobeithio y bydd gwybod bod Evans yn mynd i'r carchar am fwy na degawd yn rhoi rhywfaint o dawelwch meddwl iddi.”

Dywedodd y Ditectif Arolygydd Sharon Gill-Lewis:

“Os byddwch yn dioddef unrhyw fath o drosedd rhywiol, rhowch wybod i ni yn syth. Ni ddylai neb ddioddef yn dawel – bydd ein swyddogion yn cefnogi unrhyw ddioddefwr drwy ei brofiad dychrynllyd.”

Gellir dod o hyd i ganllawiau ar sut i roi gwybod am drais rhywiol a throseddau rhywiol eraill yma: Rhoi gwybod am drais rhywiol, ymosodiad rhywiol a throseddau rhywiol eraill | Heddlu De Cymru