Dyn o Hafod wedi'i garcharu ar ôl stelcio ac ymosod ar fenyw
Cynnwys y prif erthygl
Mae dyn o Abertawe wedi'i garcharu ar ôl pledio'n euog i stelcio menyw ac ymosod arni hi a'i mab.
Cyflawnodd Johnathan Price, 54 oed o Hafod, batrwm o ymddygiad gwael yn erbyn ei gyn-bartner, gan ddechrau ym mis Mehefin eleni.
Pan roddodd ei gyn-bartner wybod i'r heddlu am ei ymddygiad, rhoddodd Price bwysau arni i dynnu ei datganiad yn ôl, ac anfonodd sawl neges ati i'r un perwyl.
Mae wedi cael ei ddedfrydu i 8 mis yn y carchar.
Dywedodd PC Bennett:
“Cyflawnodd Johnathan Price gyfres o achosion o stelcio ac aflonyddu yn erbyn ei gyn-bartner, ac ni ddylai neb orfod wynebu hyn.
“Mae'r ffaith y byddai hyn yn troi'n dreisgar yn dangos ei fod yn ddyn peryglus. Gadawodd y dioddefwr yn poeni am yr hyn y byddai'n ei wneud nesaf, gan gynnwys p'un a fyddai'n troi i fyny yn ei chyfeiriad.
“Mae unrhyw fath o stelcio ac aflonyddu yn gwbl annerbyniol a ni chaiff ei oddef gan yr heddlu. Dylai unrhyw un sy'n wynebu'r math hwn o ymddygiad roi gwybod i ni amdano ar unwaith.”