Dyn o Abertawe wedi'i garcharu ar ôl defnyddio fan wedi’i dwyn i yrru i mewn i siop feiciau a dwyn ohoni

Mae dyn o Abertawe wedi'i garcharu ar ôl iddo yrru cerbyd wedi’i ddwyn i mewn i siop feiciau ac wedyn dwyn dau feic.

Gwnaeth Matthew Morgan, 40 oed o Flaenymaes, dargedu busnes yn Fforestfach ar 12 Mai.

Ar ôl dwyn fan danfon DHL yn gyntaf a difrodi llawer o gerbydau eraill a oedd yn perthyn i fusnes arall, defnyddiodd Morgan y cerbyd wedyn i achosi difrod yn bwrpasol i flaen Uprise Bikes, cyn dwyn dau feic o'r tu mewn i'r siop.

Plediodd Morgan yn euog i ladrata, dau achos o ddifrod troseddol i eiddo o dan £5,000 a dwyn cerbyd modur.

Cafodd ei ddedfrydu i 40 o fisoedd yn y carchar.

Dywedodd y Ditectif Gwnstabl Richard Olsen:

"Mae Matthew Morgan yn droseddwr mynych sy'n parhau i ddangos nad yw'n poeni dim am y gyfraith.

"Diolch byth, gwnaeth y mesurau diogelwch yn y siop weithio yn ôl y disgwyl, a chafodd y digwyddiad ei ddal ar deledu cylch cyfyng, ond roedd yr unigolyn dan amheuaeth yn gwisgo mwgwd.

"Diolch i waith caled ditectifs, cafodd Matthew Morgan ei adnabod fel yr unigolyn a oedd yn gyfrifol am ddwyn y fan a gorfodi ei ffordd i mewn i'r siop yn ystod y nos.

"O ganlyniad i'r ddedfryd hon o garchar, ni fydd pobl Abertawe yn gorfod goddef ymddygiad troseddol Matthew Morgan yn y dyfodol agos."