Dyn o Abertawe wedi'i garcharu ar ôl creu adroddiad heddlu anwir
Cynnwys y prif erthygl
Mae dyn o Abertawe wedi'i garcharu ar ôl canfod iddo wyrdroi cwrs cyfiawnder drwy greu adroddiad heddlu anwir.
Cafodd Anthony Merriman, sy'n 52 oed, o Benlan, ei gyfweld gan yr heddlu mewn perthynas ag adroddiad ei fod wedi bygwth dyn arall â chyllell.
Wedyn, ym mis Ionawr 2024, gwnaeth Merriman ei adroddiad ei hun yn honni iddo fod yn ddioddefwr lladrad gan y dyn a wnaeth yr adroddiad blaenorol yn erbyn Merriman. Canfu'r swyddogion ymchwilio nad oedd unrhyw wirionedd i'r honiad hwn.
O ganlyniad, mae Merriman wedi cael ei ddedfrydu i dair blynedd yn y carchar.
Dywedodd y Ditectif Ringyll Samuel Lewis:
"Mae gan swyddogion yr heddlu a thimau ymchwilio rôl anodd iawn lle mae amser yn hanfodol. Caiff yr amser hwnnw ei wastraffu pan fydd pobl fel Anthony Merriman yn gwneud adroddiadau neu honiadau anwir am fod ganddynt gŵyn yn erbyn unigolyn arall.
"Pan fydd adroddiad yn amlwg yn anwir, byddwn yn trin hyn o ddifri. Mae lladrad yn drosedd ddifrifol ynddi'i hun, ac i Anthony Merriman geisio gwneud cyhuddiad anwir am ddyn arall, roedd yn ceisio tarneisio enw'r dioddefwr a chael yr heddlu i'w arestio am rywbeth na wnaeth wneud.
"Ni ellir goddef y math hwnnw o ymddygiad."