Dyfarnu dyn o Abertawe yn euog o lofruddiaeth Joshua Norman

Mae dyn yn ei 40au o Abertawe wedi cael ei ddyfarnu'n euog o lofruddiaeth, ac ail ddyn ei ddyfarnu'n euog o ddynladdiad, yn dilyn ymchwiliad Heddlu De Cymru i farwolaeth Joshua Norman, 27 oed.

Cafodd Paul Rosser, 49 oed o Gendros, ei ganfod yn euog heddiw (Gorffennaf 7) gan reithgor yn dilyn treial yn Llys y Goron Abertawe.

Mae Joshua Cullen, 32 oed, o Waun Wen, wedi ei chael ei farnu'n euog o ddynladdiad.

Clywodd y llys fod swyddogion wedi cael eu galw i Cwm Road yn Hafod am 12:08pm ar 11 Medi 2024 yn dilyn adroddiadau o drywanu. Aeth swyddogion, ynghyd â pharafeddygon, i'r safle lle gwnaethant ganfod Joshua Norman a oedd wedi cael anaf difrifol i'w wddf. Er gwaethaf ymdrechion gorau'r sawl a oedd yn bresennol, cafodd ei ddatgan yn farw yn fuan wedi hynny.

Dywedodd tystion eu bod wedi gweld Rosser yn gadael y safle a chafodd ei weld yn fuan wedi hynny gan swyddogion a'i arestio ar Cwm Road llai nag awr ar ôl yr ymosodiad. Roedd Rosser yn waed i gyd ac roedd wedi cael anafiadau i'w wyneb.Cafodd ei arestio a'i gludo i'r ysbyty am archwiliadau cyn cael ei holi ac wedyn ei gyhuddo.

Bydd y ddau yn cael eu dedfrydu dydd Mercher (Gorffennaf 9).

Dywedodd y Ditectif Brif Arolygydd Lianne Rees:

“Roedd yr hyn a ddigwyddodd i Joshua Norman ar 11 Medi 2024 yn ddigwyddiad trasig, a gyflawnwyd yng ngolau ddydd.

“Roedd hwn yn ymchwiliad trylwyr a chymhleth a hoffwn ddiolch i aelodau'r tîm ymchwilio, Gwasanaeth Erlyn y Goron a'r Cwnsler erlyn a weithiodd yn galed i weinyddu cyfiawnder.

“Hoffwn dalu teyrnged i'r bobl a oedd yn mynd heibio ar y diwrnod hwnnw a wnaeth stopio i geisio achub bywyd Joshua. Byddai'r profiad wedi bod yn eithriadol o anodd iddynt.

“Cafodd Joshua ei ddisgrifio gan ei deulu fel person hyfryd y byddai ei wên a'i synnwyr digrifwch yn goleuo unrhyw ystafell ac unrhyw galon.

“Rwy'n gobeithio y bydd yr euogfarn(au) heddiw yn eu helpu i brosesu eu colled ac yn rhoi rhywfaint o gysur iddynt mewn cyfnod sydd wedi bod yn eithriadol o anodd.”