Carcharu dyn o Abertawe am ymosod yn ystod bwrgleriaeth
Cynnwys y prif erthygl
Mae dyn o Abertawe wedi cael ei garcharu ar ôl iddo ymosod ar ddyn arall a'i anafu yn ystod bwrgleriaeth yng nghartref y dyn hwnnw.
Targedodd Michael Parker, 46 oed, o Benlan, gyfeiriad yn Mount Pleasant. Yn ystod y digwyddiad, daeth y dioddefwr o hyd i Parker yn mynd drwy ei oergell. Llwyddodd y dioddefwr i wthio Parker allan o'r eiddo, ond wrth iddo wneud hynny, ymosododd Parker arno.
Plediodd Parker yn euog i geisio cyflawni niwed corfforol difrifol yn ystod bwrgleriaeth ar annedd a chafodd ei ddedfrydu i dair blynedd yn y carchar.
Dywedodd y Ditectif Ringyll Alanna Lan:
“Byddai'r profiad hwn wedi bod yn brofiad trawmatig i'r dioddefwr, a aeth i'w gegin a dod o hyd i ddieithryn yn mynd drwy ei eiddo.
“Hyd yn oed pan gafodd ei ddal, gwnaeth Michael Parker bethau'n waeth iddo'i hun drwy ymosod ar y dioddefwr. Mae'r trais a gyflawnodd yn dangos ei fod yn unigolyn peryglus.
“Hoffwn ganmol gwaith Ditectif Gwnstabl Gemma Tarling. Roedd yr ymchwiliad trylwyr a gyflawnwyd ganddi, gan gynnwys gwaith CCTV helaeth, yn ddylanwadol wrth sicrhau'r ddedfryd hon.”