Diweddglo annisgwyl i wyliau deliwr cyffuriau o Abertawe a gafodd ei arestio wrth gamu oddi ar yr awyren

Dyma'r foment y cafodd Joshua Pope ei arestio am ddelio cyffuriau gan swyddogion o Heddlu De Cymru.
Roedd ychydig cyn 1am fore dydd Sul, 9 Mehefin (2025), ac roedd swyddogion yn aros amdano ar y tarmac ym Maes Awyr Stanstead. Roeddent yn gwybod ei fod ar awyren a oedd yn teithio o Marrakesh lle roedd wedi bod ar wyliau.
Aeth y swyddogion ar yr awyren yn syth ar ôl iddi lanio a chafodd Pope ei dywys oddi ar yr awyren cyn cael ei arestio. Cafodd ei yrru'n syth yn ôl i Dde Cymru a'i roi yn y ddalfa.
Amheuwyd bod Pope yn ymwneud â rhedeg llinell gyffuriau Oscar yn Abertawe.
Cafodd ei arestio o ganlyniad i fforenseg ffôn fanwl a alluogodd swyddogion i brofi bod ganddo ddyfais yn ei feddiant a oedd yn cael ei defnyddio i anfon negeseuon testun mewn swmp yn cynnig crac cocên a heroin.
Bu modd iddynt gysylltu ffôn symudol personol Pope â ffôn y llinell gyffuriau ar deithiau ledled y DU o Abertawe.
Roedd swyddogion yn gobeithio eu bod wedi chwalu llinell gyffuriau Oscar yn 2024, pan gafodd dyn arall – y mae Joshua Pope yn ei adnabod – ei euogfarnu a'i ddedfrydu i saith mlynedd a hanner yn y carchar.
Ond yn fuan, daeth yn amlwg bod y llinell wedi parhau i weithredu, ond gyda Joshua Pope wrth y llyw y tro hwn.
Cafodd ei gyhuddo o ymwneud â chyflenwi crac cocên a heroin a aeth ymlaen i bledi'n euog.
Ar 30 Gorffennaf, ymddangosodd Joshua Pope, 30 oed o Fryn Parc, Treforys gerbron Llys y Goron Abertawe lle cafodd ei garcharu am dair blynedd.

Joshua Pope