Canfod unigolyn yn ei arddegau yn euog o lofruddio Colin Richards, tad i saith, o Gaerdydd

Mae dyn 19 oed wedi cael ei euogfarnu o lofruddio tad-cu annwyl iawn o Gaerdydd.

Cafodd Colin Richards, dyn 48 oed o Grangetown, ei ganfod yn anymwybodol yn dilyn adroddiad am aflonyddwch yn ardal Heol-y-Berllan yng Nghaerau, Caerdydd, fis Ebrill diwethaf.

Er gwaethaf ymdrechion gorau'r gwasanaethau brys, fu farw, o ganlyniad i glwyf trywanu angheuol i'w glun.

Gwadodd Corey Gauci, 19 oed, i lofruddiaeth ac anrhefn dreisgar ond yn dilyn treial yn Llys y Goron Caerdydd heddiw (Ddydd Mercher, 9 Ebrill) cafodd ei ganfod yn euog.

Rhoddodd y rheithgor reithfarnau ar bump arall hefyd:

• James O’Driscoll, 27 oed a heb gartref sefydlog: yn euog o anrhefn dreisgar a meddu ar eitem lafnog.
• Christian Morgan, 36 oed, o Gaerau: yn euog o feddu ar eitem lafnog ond methu dod i benderfyniad ar gyhuddiad am anrhefn dreisgar.
• Noreen O’Driscoll, 29 oed o Drelái: yn euog o gynorthwyo troseddwr.
• Rebecca Ross, 44 oed o Swydd Lincoln: yn euog o gynorthwyo troseddwr a meddu ar eitem lafnog.
• Soraya Somersall, 44 oed o Butetown: yn euog o gynorthwyo troseddwr

Clywodd y llys i'r trais ddatblygu yn dilyn anghytundeb rhwng Christian Morgan, ffrind Colin Richards a'r diffynyddion eraill.

Roedd Morgan wedi derbyn negeseuon bygythiol a sarhaus gan ei gyn-gariad Noreen O'Driscoll, chwaer James O'Driscoll.

Arweiniodd hyn at bresenoldeb y diffynyddion yn ardal Heol Berllan nos Sul, 7 Ebrill, 2024, pan ddechreuodd y digwyddiad treisgar a arweiniodd at Mr Richards yn cael ei anafu'n angheuol.

Dywedodd y Ditectif Brif Arolygydd Matt Davies, yr Uwch-swyddog Ymchwilio:

“Roedd Colin yn dad, tad-cu, mab a brawd.
“Mae ei farwolaeth drasig wedi gadael saith o blant  heb dad, ac maent yn parhau i'w golli'n fawr. Rydym yn meddwl am deulu Colin heddiw fel yr ydym wedi gwneud drwy gydol yr amser.
“Hoffem ddiolch i'r holl dystion a gynorthwyodd gyda'r ymchwiliad, yn ogystal â'r tîm erlyn.”

Disgwylir iddynt gael eu dedfrydu ar 23 Mai.